"ಸುಂದರ ಕನಸು"

ನಿನ್ನ ಆ ಕೆಂದಾವರೆಯಂತಹ ಮೊಗವು 
ಮುಸುಕು ಮಾಡಿತು ನನ್ನೆಲ್ಲಾ ಭಾವನೆಗಳನು 
ನಿನ್ನ ಸೌಂದರ್ಯದ ಮೋಹದ ಪಾಶವು 
ಅರಳಿಸಿತು ನನ್ನಲಿ ಅನುರಾಗದ ಅಲೆಗಳನು 
ಅಂದು ನೀ ನಕ್ಕಾಗ ಚಂದ್ರನ ಮೊಗವು 
                                   ಬಾಡಿತ್ತು ಅಸೂಯೆಯಿಂದ 
ಆ ಮಾದಕ ನಗುವಿನ ಸಂಕೋಲೆ
ಬಂಧಿಯಾಗಿಸಿತು ನನ್ನ ಹೃದಯವನು ಪ್ರೀತಿಯಿಂದ//


ನಿನ್ನ ಬಳುಕುವ ಬಳ್ಳಿಯಂತಹ ದೇಹದ ಹೋಲಿಕೆ
ಏನೂ ಅಲ್ಲ ಆ ಬೇಲೂರ ಶಿಲಾ ಬಾಲಿಕೆ!!
ನಿನ್ನಲಿ ನಾ ಕಂಡೆ ಚುರುಕುತನ ಲವ ಲವಿಕೆ 
ಮೊದಲ ನೋಟಕ್ಕೇ ನನ್ನ ಮನಸಿಗಾಯ್ತು ಲವ್- ಲವಿಕೆ..//


ನಾನೋ! ನೀನೆಸೆದ ನಗುವಿನ ಗಾಳಕ್ಕೆ ಸಿಕ್ಕ ಮೀನಂತಾಗಿದ್ದೆ
ಪ್ರೇಮ ಸಾಗರದಲಿ ಮುಳುಗಿ ವಿಲವಿಲನೆ ಒದ್ದಾಡುತಿದ್ದೆ...
ಇನ್ನೇನು ನಿನಗೆ ನನ್ನ ಪ್ರೀತಿಯ ವಿಷಯ  ಹೇಳುವನಿದ್ದೆ 
ಕಣ್ತೆರೆದು, ಬಾಯ್ಬಿಟ್ಟು ಹೇಳುವೆನೆಂದು ಕೊಂಡಾಗ
                                            ನಿದ್ದೆಯಿಂದ ನಾನೆದ್ದೆ...
ಸುಂದರ ಕನಸಿಗೆ ಎಳ್ಳು ನೀರು ಬಿಟ್ಟಿದ್ದೆ...//